என்னை கவனிப்பவர்கள்

புதன், 28 செப்டம்பர், 2016

இதையெல்லாம் நம்பாதீங்கன்னு சொன்னா கேக்கவா போறோம்?



   நாம் லஞ்ச் பாக்ஸ் எடுத்து செல்ல மறந்து போனாலும் மொபைல்  சார்ஜர் எடுத்து செல்ல மறக்க மாட்டோம்.ஒரு வேளை மறந்து விட்டால் அன்றைக்குத்தான் பேட்டரி முழுதுமாக தீர்ந்து நம்மை கடுப்பேற்றும். நாம் வேறு யாருடைய சார்ஜரையவது பயன்படுத்தலாம் என்றால் நம்முடைய மாடல்  சார்ஜர் பின்   பொருந்தாமல்  தண்ணி காட்டும். பின் பொருத்தமாக இருந்தாலும் வேறொரு மொபைலின் சார்ஜராக இருந்தால் பயந்து கொண்டே சார்ஜ் செய்வோம். மொபைல் வாங்கும்போதே வேறு கம்பெனியின் சார்ஜரை பயன்படுத்தக் கூடாது எச்சரிப்பார்கள்.  சார்ஜர் பற்றி பல்வேறு ஆலோசனைகள் பலரும் தந்தவண்ணம் இருப்பார்கள். ஆனால் உண்மையில் அவற்றில்த பலவாறு தவறு என்று கூறுகிறது www.techrepublic.com/ என்ற வலை தளம்
பேட்டரி சார்ஜர்கள் பற்றிய 10  தவறான புரிதல்கள் என்னென்ன அவற்றிற்கான விளக்கங்கள் என்ன  எனப் பார்க்கலாமா?  
(இந்த பத்து கருத்துக்களுக்கும்  நீல கலர்ல  ஒரு கவுண்டர் போட்டிருகேன். அத யாரு கொடுத்துருப்பாங்கன்னு நீங்களே உங்க இஷ்டத்துக்கு கற்பனை பண்ணாதீங்க. அதுவும் misconceptionதான் 

  1. பேட்டரிக்கு மெமரி உண்டு 
உண்மை : நிச்சயமாக இல்லை. பேட்டரியை முழுவதுமாக சார்ஜ் செய்ய வேண்டும் என்றும் சார்ஜ் முழுவதுமாக குறைந்தவுடன் மீண்டும் 100% சார்ஜ் செய்தால்தான் முழுமையான பயன் கிட்டும் .உதாரணத்திற்கு 50% மேல் சார்ஜ் ஆகி இருந்து அன்ப்ளக் செய்து விட்டால் அடுத்த முறை சார்ஜ் செய்யும்போது அதனையே 100 % ஆக நினைவில் கொண்டு  அந்த அளவே சார்ஜ் செய்யும் என்று சொல்லப் படுகிறது .சார்ஜ் திறன் குறைந்து விடும் என்றும்கூறப்படுகிறது. இது தவறானது.எப்படி வேண்டுமானால் சார்ஜ் செய்யலாம் எந்த பாதிப்பும் ஏற்படாது

(பேட்டரிக்கு மெமரி இருந்தா என்ன இல்லன்னா என்ன யாருக்கு இருக்கணுமோ அவங்களுக்கு இல்லையே என்னைக்கு என்னோட பொறந்தா நாள் என்னைக்காவது மெமரில இருந்திருக்கா?) 

2. நமது மொபைல் பிராண்ட்  அல்லாத சார்ஜரைப் பயன்படுத்தினால் பேட்டரி பாதிக்கப்படும் 
உண்மை :இதுவும் தவறான பரப்புரையே. தரமான எந்த சார்ஜராக இருந்தாலும் எந்த பாதிப்பும் வராது.மெதுவாக சார்ஜ் செய்யும் சார்ஜராக  இருந்தாலும் கவலைப் படவேண்டியதில்லை.

(இதுகூடவா புரியல. இத நெட்டில படிச்சுதான்  தெரிஞ்சுக்கனுமா கம்பெனி காரன் கட்டி விட்ட  கதை மட்டுமில்ல. எவனும் சார்ஜர் ஒசி கேக்கக் கூடாதுன்னு எவனோ கிளப்பி விட்டதுதான்) 

3.இரவு முழுதும் மறந்து  போய்  சார்ஜரை ஆஃப் செய்யாமல் விட்டுவிட்டால் பேட்டரி கெட்டுப் போகும்

உண்மை :நிச்சயமாக இல்லை. தற்போதுள்ள பெரும்பாலான  போன்களில் முழுவதுமாக  சார்ஜ் ஆகிவிட்டால் சார்ஜ் ஆவது தானாகவே  நின்று விடும். அதனால் தெரியாமல் நீண்ட நேரம் சார்ஜில் வைத்திருந்தாலும்  பாதகம் ஏதுமில்லை. 

(பின்ன வேறெப்படி சொல்வீங்க .சார்ஜர போட்டுட்டு ஆப் பண்ணாம விடறது வழக்கமா நடக்கறது ஆச்சே. அதுக்கு இப்படி ஒரு சால்ஜாப்பா?) 


4.சார்ஜ் செய்யும்போது  போன் செய்யக் கூடாது . .

உண்மை :இதிலும் உண்மை இல்லை . தரமான சார்ஜராக இருந்தால் சார்ஜில் இருக்கும்போதே  பயன்படுத்தலாம் .தவறு ஏதுமில்லை.

(அப்பவாவது யார் கூடயாவது கடலை போடாம இருக்கட்டுமேன்னு அப்படி சொல்லி இருக்காங்க.  அதுல என்ன தப்பு இருக்கு).


5.அடிக்கடி போனை ஆஃப்  செய்து வைத்தால் பேட்டரி பாழாகும் 

உண்மை :இதுவும்  கொஞ்சம் கூட உண்மை இல்லையாம். பயன்படுத்தாமல் இருந்தால் பேட்டரி சார்ஜ் தானாக குறையத்தான் செய்யும், பேட்டரியின் பண்பு அது. உண்மையில் சில சமயங்களில் பேட்டரியை கழட்டி வைத்தல் கூட நல்லது.

(ஆபீஸ் போனதும் போன் பண்ணா சுவிச் ஆஃப் செய்யப்பட்டுள்ளது அப்படின்னுதான் சொல்லுது. பேட்டரி பாழாத்தான் போகட்டுமே )

6.முதல் முறை பயன்படுத்தும்போது  பேட்டரியை முழுவதுமாக சார்ஜ் செய்யவேண்டும். 

உண்மை :பலரும் அப்படித்தான் நினைக்கிறார்கள்.கடையில் போன் வாங்கும்போதும் அப்படித்தான் சொல்வார்கள்.ஆனால் இதில் உண்மையில்லை. பொதுவாக ஸ்மார்ட் பொன் பேட்டரிகள் 40% சார்ஜில் இருந்து 80 % சார்ஜ் வரை சிறப்பாக வேலை செய்யுமாம்
புதிய போன் வாங்கும்போது அதனுடன் கொடுக்கப் பாடும் பேட்டரி முதன் முதலில் போடும்போது 40% சார்ஜுக்கும் குறைவாக இருந்தால் ஒரவேளை அது பழைய பெட்டரியாக இருக்கக் கூடும் . 

(எப்பதான் முழுசா சார்ஜ் பண்ணி இருக்கீங்க. சார்ஜ் தீர்ந்தது கூட தெரியாம போன பேசிக்கிட்டு இருக்கறதுதானே வழக்கம்.)


7.பேட்டரியை பிரீசருக்குள் வைத்து எடுத்தால் மேலும் நீண்ட நாட்கள் பேட்டரி உழைக்கும் .

 உண்மை :இதுவும் தவறுதானாம்.ரேடியோ பேட்டரியை கூட நனைத்து காய வைத்து பயன்படுத்தியது நினைவிருக்கிறது..
உண்மையில் இவ்வாறு செய்வது இருக்கும் பேட்டரி திறனையும் குறைத்துவிடுமாம். பேட்டரியை பாதுகாப்பாக வைக்க சற்று கற்றோட்டம் இருந்தால் நல்லது .  பிளாஸ்டிக் கவரில் போட்டு சீல் வைப்பதும் தவறாம்

(இது எங்கிட்ட சொன்ன பொய்தானே! ஒருமுறை எதையோ எடுக்க பிரிஜ்ஜ திறகும்போது  கையில வச்சிருந்த செல்போனை ப்ரிஜ்ஜுக்குள்ள வச்சுட்டு ப்ரிஜ்க்குஜூள்ள வச்சா பேட்டரி உழைக்கும்னு என்கிட்ட  சொன்னத நான் இன்னும் மறக்கல) 

8.இன்டர்நெட் உபயோகித்தால் பேட்டரி வேகமாக  தீர்ந்துவிடும் 

உண்மை :அதுவும் உடான்ஸ்தானாம்.  இண்டர்நேட்டுகும்கே அதற்கும்ம் சம்மந்தம்  விளையாடினால் பேட்டரி குறைய வாய்ப்பு உண்டு.  கிரபிக்ஸ் அதக அளவில் பயன்படுத்தப்படும் விளையாட்டுகலக்கு அதிக மின்சாரம் பயன்பாடு அதிகமாம். இன்டர்நெட் அதிகம் பயன்படுத்தினால் டேட்டா தான் தீர்ந்து விடும் .

(இத சொல்லிதானே என் மொபைல்ல நான் பேஸ்புக் வாட்ஸ் அப் யூஸ் பண்றதை  குறைக்கப் பாத்தீங்கள். இப்ப உண்மை தெரிஞ்சு போச்சு இல்லை) 

9.Wifi-   ப்ளூ டூத் ஜி.பி.எஸ் சேவைகள் ஆன் செய்யப்பட்டு இருந்தால் பேட்டரி சீக்கிரம் தீர்ந்துவிடும்.

உண்மை :அப்படி ஏதுமில்லை . இந்த சேவைகள்ன்  செய்ப்பட்டு இருந்தால் பேட்டரி குறையாது. பயன்படுத்தினால் மட்டுமே குறையும்  பேட்டரி நீண்ட நேரம் சார்ஜ் தீராமல் இருக்க வேண்டுமானால் திரையின்  பிரைட்னெஸ் குறைத்து வைத்துக் கொண்டால் பலன் உண்டு.

(wifi கிடக்கட்டும் Wife in சேவை ஆஃப் பன்னா உங்கள் பேட்டரி என்னாகுதுன்னு பாருங்க.)

10. சில Task manager ஆப்கள் பேட்டரியை நீண்ட நேரம் உழைக்க செய்யும்.

உண்மை :இதிலும் உண்மை இல்லை. மொபைலுடன் இன் பில்ட் ஆக உள்ளதே போதுமானது. Third party battery saver செயலிகள் எதுவும் battery திறனை கூட்டுவதில்லை. அவை கைபேசியின் நினைவகத்தை அடைத்தும் கொள்ளவது மட்டுமே மிச்சம். பயன் ஏதுமில்லை என்கிறார்கள்.

(ஆமா பெருசா உண்மைய கண்டுபிடிச்சிட்டீங்க. இதை ஒரு பதிவுன்னு போடறதுக்கு பதிலா கம்ப்யூட்டரை கொஞ்ச நேரம் ஆஃப் பண்ணி இருந்தா கரண்ட்டாவது மிச்சப் படுத்தி இருக்கலாம்)



15 கருத்துகள்:

  1. அருமையான பயனுள்ள தகவல்கள் நண்பரே நன்றி
    த.ஸ.1

    பதிலளிநீக்கு
  2. @ BLESSED ARE THOSE THAT ARE IGNORANT / எனக்கு இந்த விஷயங்கள் எல்லாம் தெரியாது ஆனால் பாட்டரி சார்ஜில் இருக்கும்போது பேசக்கூடாது என்று கேள்விப்பட்டிருக்கிறேன் மொபைலே வெடிக்கும் சாத்தியம் இருக்கிறதாம்

    பதிலளிநீக்கு
  3. #பீரு திறனை கூட்டோவதில்லை#
    என்னவென்று என் மரமண்டைக்கு புரியவில்லையே ஜி :)

    பதிலளிநீக்கு
    பதில்கள்
    1. இரவு எட்டரை மணி அளவில் பதவி வெளியிட்டுவிட்டு. பிழை திருத்தம் செய்து கொண்டிருந்தபோது நெட் இணைப்பு காலை வார காலையில் எழுந்து இப்போதுதான் சரி செய்ய முடிந்தது T க்கு பதிலாக R ம் Yக்கு பதிலாக அதன் பக்கத்தில் உள்ள u வையும் தடச்சியதால் வந்த விளைவு அது.

      நீக்கு
  4. ///நமது மொபைல் பிராண்ட் அல்லாத சார்ஜரைப் பயன்படுத்தினால் பேட்டரி பாதிக்கப்படும் ///


    பிராண்ட் நேம் இல்லாத மொபைலாக இருந்தால் பிராண்ட் நேம் உள்ள சார்ஜரை பயன்படித்தினால் பாதிக்கப்படுமா என்று சொல்லவில்லை நீங்கள்

    //பேட்டரியை பிரீசருக்குள் வைத்து எடுத்தால் மேலும் நீண்ட நாட்கள் பேட்டரி உழைக்கும் .///

    அடுப்பில் போட்டு சுட்டு எடுத்தால் நீண்ட நாள் உழைக்குமா என்று சோதித்துவிட்டு சொல்லவும்

    ///இன்டர்நெட் உபயோகித்தால் பேட்டரி வேகமாக தீர்ந்துவிடும்

    அதுவும் உடான்ஸ்தானாம்.///

    பேட்டரி தீந்துவிடாது பர்ஸில் உள்ளதுதான் தீர்ந்துவிடும்

    பதிலளிநீக்கு
  5. பொதுவாக முழுதும் டிஸ்சார்ஜ் ஆனபிறகு சார்ஜ் போடுவது நல்லது என்று எந்த ஒரு பேட்டரிக்கும் சொல்வார்கள்.

    மெதுவாக சார்ஜ் எறிவதுதான் சிறந்தது என்று சொல்வோரும் உண்டு!

    ''பிரீசருக்குள் வைத்து'' குறிப்பெல்லாம் கேள்விப்பட்டதே இல்லை!

    தகவல்கள் எல்லாம் பயனுள்ளவை மற்றும் சுவாரஸ்யம் என்பதில் சந்தேகமில்லை. ஆனால் அதற்குச் சொல்லப் பட்டிருக்கும் "மனைவியின் கமெண்ட்ஸ்" அந்தத் தகவல்களின் உண்மைத் தண்மையைச் சந்தேகிக்க வைக்கிறதே...!!!!


    பதிலளிநீக்கு
    பதில்கள்
    1. //மெதுவாக சார்ஜ் எறிவதுதான்//

      மன்னிக்கவும், ஏறுவதுதான் என்று படிக்கவும்!

      நீக்கு
    2. இப்படித்தான் ஒரு எழுத்தை ரைப் செய்தால் அடுத்த லெட்டரில் விரல்கள் பட்டு பிழை ஏற்பட்டு விடுகிறது. சரி செய்து விட்டுதான் பதிவை வெளியிட வேண்டும் என்ற முடிவை பின்பற்றவே முடிவதில்லை

      நீக்கு
  6. தாங்கள் சொல்லியதில் பலவற்றை (தவறென்று எண்ணி) கடைபிடித்துவந்தேன். இப்போது தெளிவாக்கிவிட்டீர்கள். (தவறில்லை என்ற நிலையில்) நன்றி.

    பதிலளிநீக்கு
  7. மிகவும் பயனுள்ள செய்திகள் ஐயா
    அறியாத பல செய்திகளை அறிந்து கொண்டேன்
    நன்றி

    பதிலளிநீக்கு
  8. நல்ல தகவல்கள்..கேட்டுக்கிட்டோம்...

    தகவலை இருக்கட்டும்....அந்த நீலக்கலர் எழுத்துகள் எங்கிருந்து என்று சொன்னால் எல்லாருமே நம்பிவிடுவார்கள்!!!! எங்கிருந்து என்று தெரியுமே..அதனால் நம்பிக் கேட்டுக்கறோம்...ஹிஹிஹி

    பதிலளிநீக்கு
  9. பல தகவல்கள் தெரியாதவையே
    அவசியம் தெரிந்து கொள்ளவேண்டியவைகளே
    பய்னுள்ள பகிர்வு
    பகிர்வுக்கும் தொடரவும் நல்வாழ்த்துக்கள்

    பதிலளிநீக்கு
  10. அருமையான
    தொழில் நுட்ப வழிகாட்டல்

    பதிலளிநீக்கு

நல்லதா நாலு வார்த்தை சொல்லுங்க !
கைபேசி எண் 9445114895