குதிரைகள் சொல்லும் நான்காம் வேதம்.

  பாலகுமாரனின் இரும்புக் குதிரையில் இடம்பெற்றுள்ள கவிதைகளுக்கு நல்ல வரவேற்பு அளித்துள்ள வாசகர்களுக்கு நன்றி.பலமுறை படித்திருந்தாலும் மீண்டும்  மீண்டும் படிக்கத் தூண்டும் அவரது இந்த நாவலின் இடம் பெற்றுள்ள இன்னொரு செய்தி.

பழைய வாகன உதிரி பொருட்களை வாங்கி விற்கும் தொழில் முதன் முதலில் காயல் பட்டினத்தில்தான் நடை பெற்றது.பின்னர் அது பல இடங்களுக்கும் பரவியது. அதனால்தான் பழைய பொருள் விற்கும் வாங்கும் கடைகளை காயலான் கடை என்று அழைக்கிறார்கள்.

      குதிரைகள் இந்த அளவுக்கு ஒரு கவிஞனை பாதித்தது ஆச்சர்யம் அளிக்கிறது. கவிதைகளை படிக்கும்போது அந்த பாதிப்பு நமக்கும் ஏற்படுவதை தவிர்க்க இயலாது 

இதோ இன்றைய குதிரை வேதம்

நான்காம் வேதம் 

              குதிரைகள் தூங்குவதில்லை 

              ஏனைய உயிர்கள் போலே 

              நிலம்பரவி கால்கள் நீட்டி 

              கன்னத்துப் பக்கம் அழுத்த

              குதிரைகள் தூங்குவதில்லை 

              ஏனைய உயிர்கள் போலே

              நிற்கையில் கண்கள் மூடி 

              களைப்பினப் போக்கும் குதிரை

              தொட்டதும் சிலிர்த்துக் கொள்ளும்

              தொடுதலைப் புரிந்துகொள்ளும்

              தூங்குதல் பெரிய பாவம்

              தூங்கவா பிறந்தீர் இங்கு?

              வாழ்வதோ  சிறிது நாட்கள்

              அதில் சாவினை நிகர்த்த தூக்கம் 

              புரிபவர் பெரியோர் அல்லர் 

              வாழ்பவர் தூங்கமாட்டார்.

              குதிரைகள் கண்கள் மூடி 

              குறிவிரைத்து நிற்கும் காட்சி

              யோகத்தின் உச்சக் கட்டம்

              நெற்றிக்குள்  சந்திர பிம்பம் -இது

              குதிரைகள் எனக்குச் சொன்ன 

              வேதத்தின் நான்காம் பாடம்.

************************************************************************

இதைப்  படித்துவிட்டீர்களா

பால குமாரன் கவிதைகள் -பகுதி 2 

பாலகுமாரனின் கவிதைகள்!-பகுதி 1 

தங்கள்  மேலான கருத்துக்களை தெரிவிப்பீர்!