என்னை கவனிப்பவர்கள்

.உங்கள் மின்னஞ்சல் முகவரியை FOLLOW BY EMAIL பகுதியில் இடவும்.மூங்கில் காற்றின பதிவுகள் உங்கள் மின்னஞ்சலுக்கு வந்து சேரும்.TPF -வட்டி கணக்கிடுதல் விளக்கம்

செவ்வாய், 6 டிசம்பர், 2016

அம்மா! தரையினில் புதைந்தாய்! தரணியில் உயர்ந்தாய்!



                                        சாவெனும் வடிவம் கொண்டு
                                               காலனும் வந்து சேர்ந்தான் 
                                       போவென அவனை விரட்டும்
                                              போராட்டம் ஓய்ந்ததாலே
                                        தாவென உந்தன் உயிரை
                                              தட்டியே  பறித்து விட்டான் 
                                       ஓ!வென அலறிய ஒலியால்
                                                 உலகமே அதிர்ந்ததம்மா 

                                        அம்மா என்றழைக்க வைத்தாய்
                                                அச்சமும் கொள்ள வைத்தாய் 
                                        அம்மாஉன் பெயரைச் சொல்ல 
                                                ஆயிரம் திட்டம் செய்தாய்
                                         சும்மா இருந்த சிலரை
                                               சுலபமாய் உயர்த்தி விட்டாய் 
                                         இம்மாநில மக்கள்  மனதில்
                                                இமயமாய் உயர்ந்து நின்றாய்    
        
                                        இன்னலே வாழ்க்கை முழுதும்;
                                             இனிமையோ சிறிதே எனினும்  
                                        மின்னல் போல் ஒளிரும் முகத்தில்  
                                                இடர்களை மறைத்தே வைத்தாய் 
                                        கண்ணிலே கனிவும் உண்டு
                                               கடுமையும்  அதிலே உண்டு
                                        மண்ணிலே நீயும் இன்று 
                                              மகத்தான பெண்ணாய் மறைந்தாய் 
        
                                        நிறைகளால் மட்டும் எங்கள் 
                                               நெஞ்சங்கள்  நிறைந்த தாலே  
                                       குறைகளை சொல்ல நினைத்தும் 
                                                 குரலது எழும்ப  வில்லை
                                       அறையினில் இருந்த போதும்
                                               அனைவரையும் ஆட்டு வித்தாய்
                                       தரையினில் புதைந்தாய் எனினும்
                                              தரணியில் நிலைத்து நின்றாய் 

------------------------------------------------------------------------------------------------------------------

   
   

     


     
     



13 கருத்துகள்:

  1. #நிறைகளால் மட்டும் எங்கள் நெஞ்சங்கள் நிறைந்ததாலே #
    டாஸ்மாக்கை மறந்து விட்டீர்களே ஜி !

    பதிலளிநீக்கு
  2. திருமதி இந்திரா காந்திக்குப் பின், நம் காலத்தில் வாழ்ந்த இரும்புப்பெண்மணி.

    பதிலளிநீக்கு
  3. மறைந்தவர் குறைகளைப் பேசாதிருத்தல் நம் மரபு. உங்கள் மனப்பாங்கை வெளிக்காட்டிய பதிவு. பாராட்டுகள்

    பதிலளிநீக்கு
  4. ஆம்.குறைகளை சொல்ல மனம் வரவில்லை. தன்னம்பிக்கைப் பெண்மணி .

    பதிலளிநீக்கு
  5. இனி நடப்பவை நன்மைகளாகும் என்ற நம்பிக்கையுடன் அனைவருக்கும் புத்தாண்டு வாழ்த்துகள் !

    எனது புத்தாண்டு பதிவு : நடப்பவை நன்மைகளாகட்டும் !
    http://saamaaniyan.blogspot.fr/2017/01/blog-post.html
    தங்களுக்கு நேரமிருப்பின் படித்து பின்னூட்டமிடுங்கள். நன்றி

    பதிலளிநீக்கு
  6. அம்மா நினைவிலிருந்து இன்னும் மீளவில்லையா ? அம்மா போய் சின்னம்மா வந்தாச்சு.
    புத்தாண்டு வாழ்த்துக்கள்

    பதிலளிநீக்கு

நல்லதா நாலு வார்த்தை சொல்லுங்க !
கைபேசி எண் 9445114895