என்னை கவனிப்பவர்கள்

வியாழன், 27 அக்டோபர், 2011

மாயச்சதுரம்

 
           நான் பள்ளியில் படித்துக்கொண்டிருந்தபோது பத்திரிகைகளில் ஒரு விளம்பரம் அடிக்கடி வரும்.  எந்தப் பக்கம் கூட்டினாலும் ஒரே எண் வரும்படி மாய சதுரம் அமைக்க போட்டி அறிவிப்பார்கள். 9 கட்டங்கள் கொண்ட அந்த சதுரத்தில் ஒரு சில எண்கள்     மட்டும் இருக்கும் மீதிக் கட்டங்களை காலியாக விட்டுவிடுவார்கள். அதை சரியானபடி நிரப்பி அனுப்பினால் ரேடியோ பரிசளிப்பதாக உறுதி அளிப்பார்கள். மிக எளிமையான அந்த மாய சதுரத்திற்கு நான் மட்டுமே விடை கண்டுபிடித்தது போல ஒரு போஸ்ட் கார்டில் எழுதி அனுப்புவேன். நீங்கள் 60 ரூபாய்  மணி    ஆர்டர்      அனுப்பினால் போதும் உங்களுக்கு ரேடியோ பார்சலில் வீடு தேடிவரும்  என்று கடிதம் அனுப்புவார்கள். ஒருமுறை வீட்டில் அடம்பிடித்து ரூபாய் வாங்கிக்கொண்டு போஸ்ட் ஆபீஸ் போனால் அந்தப் போஸ்ட் மாஸ்டர்,ரூபாய் அனுப்பினால் ரேடியோ வராது: பார்சலில் செங்கல்தான் வரும் என்று  பயமுறுத்தியதோடு என்னைத் திட்டியும் அனுப்பினார். (அவர் எனது அப்பாவுக்கு தெரிந்தவர் )
   எந்தக் காலமாக இருந்தாலும் ஆசையைத் தூண்டிவிட்டு மக்களை ஏமாற்றி பணம் பறிக்கும் கும்பல் இருந்து கொண்டுதான் இருக்கிறது. தற்போது ஈமெயில் ,  S.M.S மூலம் ஏமாற்றிக் கொண்டிருக்கிறார்கள்.
     அதைவிடுவோம்.எனக்கு மாய சதுரம் அமைப்பதிலே ஈடுபாடு உண்டு
கீழ்க்கண்ட மாய சதுரம் உங்களுக்கும் தெரிந்திருக்கலாம்.1 முதல் 9 எண்கள் வரை பயன் படுத்தப்பட்டுள்ளது.பயன் படுத்திய எண்களை மீண்டும் பயன்படுத்தக் கூடாது. இது போன்று வேறு கூடுதல் வரும்படி மாய சதுரங்கள்  அமைக்கமுடியும்.16 மற்றும்  25  கட்டங்களைக்கொண்ட   மாய சதுரங்களையும் அமைக்க முடியும். எவ்வாறு மாய சதுரங்களை உருவாக்குவது என்பதை அடுத்த பதிவில் சொல்கிறேன், 
மாயச்சதுரம் அமைக்கலாம் மாயச்சதுரம் எந்தப் பக்கம் கூட்டினாலும் 15 வருவதைக் காணலாம் 

2

7

6

9

5

1

4

3

8
***********************************************************************************************************************************   இங்கே கிளிக் செய்யவும்                                                                                                                                                                                மாய சதுரம் அமைக்கும் முறை (MAGIC SQUARE)                                                                4 x 4 (Magic Square)மாய சதுரம் உருவாக்கலாம் 

2 கருத்துகள்:

  1. maya sathuram vidai yepadi kannu pidikka mudiyum sir? please adthaiyum solluna

    பதிலளிநீக்கு
  2. மாய சதுரம் அமைக்கும் முறையும் பதிவாக வெளியிட்டிருக்கிறேன்.
    http://tnmurali.blogspot.com/2011/10/blog-post_28.html
    இந்தமுகவரிக்கு சென்று பார்க்கவும் அல்லது இதே பதிவில் இணைப்பு கொடுத்துள்ளேன்.

    பதிலளிநீக்கு

நல்லதா நாலு வார்த்தை சொல்லுங்க !
கைபேசி எண் 9445114895