என்ன பெயர் வைக்கப்போகிறேன்?கண்டுபிடியுங்கள்!

   நான் பதிவுகள் தொடர்ந்து எழுத ஆரம்பித்து ஓராண்டுக்கு மேலாக  ஆகி விட்டது. எனக்கு ஒரு குறை உண்டு . என் பெயரையே என் வலைதளத்திற்கும் வைத்திருக்கிறேன். ஆரம்பத்தில் தொடர்ந்து எழுத முடியும் என்று தோன்றவில்லை. அதனால் பெயர் வைப்பது பற்றி சிந்திக்கவில்லை. நிறையப் பதிவர்கள் அவர்களின் வலைப் பதிவின்பெயாரால் அறியப்படுகிறார்கள். அந்த ஆசை (அற்ப ஆசைதான்) எனக்கும் இப்போது  ஏற்பட்டுள்ளது. பொங்கல் திருநாள் முதல் என் வலைப்பதிவிற்கு ஒரு பெயர் சூட்டலாம்  என்று உத்தேசித்திருக்கிறேன். இது எனது 197 வது பதிவு. 200 வது  பதிவு தமிழர் திருநாளாம் பொங்கல் தினத்தன்று எழுத நினைத்திருக்கிறேன். எனது வலைப்பதிவிற்கு சில பெயர்களை சிந்தித்து வைத்திருக்கிறேன். அந்தப் பட்டியலில் ஒன்றை என் வலைப் பதிவிற்கு சூட்டப் போகிறேன். அந்தப் பெயரை எனது பெயரோடு சேர்த்து சில நாள் இணைத்து  விட்டு கொஞ்சம் அறிமுகம் ஆனபின் என் பெயரை நீக்கிவிட எண்ணியிருக்கிறேன்.

  இந்தப் பட்டியலில் நான் எந்தப் பெயரைத் தேர்ந்தெடுக்கப் போகிறேன்? என்பதை நீங்கள்தான்  கணிக்கப்  போகிறீர்கள்? சரியாக சொல்பவருக்கு  இலவச இடம் வழங்கப்படும் (ஆமாம்! நீங்க நினைக்கறது சரிதான்! மனசுலதான் ஹிஹிஹி)

இந்தப் பெயர்களில் ஏற்கனவே வலைப் பதிவு இருந்தால்  தெரிவிக்கவும்

               1. விதைகள்
               2. வேரும் நீரும்
               3. நிழலின் நிழல்
               4. மெய்பிம்பம் மாயபிம்பம்
               5. சும்மா
               6. நிறப் பிரிகை
               7. விழுதுகள்
               8. பூக்கள் பலவிதம்
               9. குறைகுடம்
              10. கொஞ்சம் ஆசை! கொஞ்சம்  பேராசை!
              11. ஈர நெஞ்சம்
              12. சொன்னது நான்தானே!
              13. வெட்ட வெளிச்சம்
              14. விசைப்பலகை விதைத்தவை
              15. பதிவீர்ப்பு விசை 
              16. மூங்கில் காற்று 

(இதில் எனது சாய்ஸ் என்னவாக இருக்கும்? எனக்கே புரியல)
(வேறு சில பெயர்களும்யோசித்திருக்கிறேன். நீங்களும் உங்கள் ஆலோசனைகள சொன்னால் மகிழ்ச்சி அடைவேன்.)
********************************************************************************
கொசுறு:
ஆங்கிலமாக  இருந்தால் ப்ளாக் பெயர் வைப்பதற்கு சில மென்பொருள்கள் உள்ளன.
அதில்  ஒன்று 
     wordoid
இது ஒரு Online Blog name generator

******************************************************************************